Leverkuseni refuzon ofertën e ‘çmendur’ të Realit për Havertzin

LEVERKUSEN, GERMANY - DECEMBER 18: Kai Havertz of Bayer Leverkusen runs with the ball during the Bundesliga match between Bayer 04 Leverkusen and Hertha BSC at BayArena on December 18, 2019 in Leverkusen, Germany. (Photo by Lars Baron/Bongarts/Getty Images)

07:03 | 6 Qershor 2020
A. B.

80 milionë euro nuk janë të mjaftueshme për ta blerë Havertzin.

Real Madridi është në garë së bashku me Manchester United, PSG, Barcelonën dhe Juventusin për mesfushorin e talentuar të Bundesligës, Kai Havertz.

20-vjeçari ka shkëlqyer këtë sezon, ndërsa Bayer Leverkusen nuk ka ndërmend që ta humbë për pak para.

“Aspirinat” kanë marrë ofertën e parë nga Reali prej 80 milionë eurosh. Një shifër e majme kur mendon se tregu është varfëruar pas krizës së COVID-19, por përgjigjja ka qenë e shpejtë nga ana e gjermanëve shkruan Bild.

Leverkuseni ka refuzuar, pasi nuk e mendon shitjen e Havertz pa një shifër prej 100 milionë eurosh e sipër.

Gjermanët duan të shfrytëzojnë momentin dhe të përfitojnë shumë nga shitja e lojtarit të tyre.

20 vjeçari ka bërë 38 paraqitje në të gjitha garat këtë edicion, ka shënuar 15 gola dhe ka dhuruar edhe 8 asiste.